سلفتي كل شهر بتاكل حماتي حرام ـــ كامله ـــ بقلم هويدا زغلول

سلفتي كل شهر بتاكل حماتي أكله حرام ولما عرفت عملت
وقبل ما نبدا الحكايه اعرفكم بنفسي 
انا سهير عنديسنه متجوزه وعايشه في 
شقه حماتي وجوزي كان متجوز قبلي قبل كده 
وفي يوم نزلت عند حماتي ولقيتها قاعده مع ولاد جوزي وبتقول
الحما 
ايوه كده يا حبايب قلبي تعالو نوروا بيت ابوكم 
مينفعش تخلوا لاي حد كده يستولي عليه 
وفي الوقت ده انا دخلت وقولت
سهير 
مساء الخير يا حماتي اي ده هما عيال 
وليد هنا ازيكم عاملين اي والله كويس 
ان بابا سمع كلامي وخلاكوا تيجوا 

تقضوا اليوم معانا
الحما 
نعم يا حبيبتي هو اي الكلام ده انشاء الله
هو انتي اللي قولتي ل وليد خليهم يجوا 
بتاع اي انشاء الله هو انتي 
فاكره ان هيكون ليكي كلمه في البيت 
ده ولا اي يا بت انتي
سهير 
مالك يا حماتي في اي أنا عايزه العيال 
يكونوا جنب ابوهم وعايزه اخليكي 
تشوفي احفادك المفروض 
تكوني فرحانه بالكلام ده يعني مش تزعلي
الحما 
لا يا حبيبتي انا بحب الكلمه هنا 
تكون كلمتي انا والرأي يكون راي انا انتي سامعة
سهير 
طبعا ياحماتي الكلمة كلمتك اومال ايه بس ولاد وليد زي ولادي برضو
الحما
زي ولادك ده ايه ياختي انتي فاكرة نفسك انك ممكن تبقى ام لولادي ابني لا فوقي ولاد ابني امهم عايشة وانتي تحمدي ربنا انه اتجوزك بعد ماكنتي بايرة ومحدش عايز يبص لك
سهير
طيب ليه كده بس ياحماتي انا عملت ايه عشان تسمعيني كلامك ده
الحما
انا كده ياحبيبتي واذا كان عجبك وبقولك ايه انتي تقومي دلوقتي تتلحلحي كده وتعملي اكل حلو لولاد ابني وإياكي تعملي اي حاجة مش عجباني
سهير
حاضر ياحماتي بس انتي عايزة أعملهم اكل ايه قولي لي هنا بيحبو ايه
الحما
هيكون ايه ياختي ماهو اكيد هتعملي فراخ ولحمة اعملي كل الاكل الحلو اللي عندك في التلاجة طلعي كل حاجة يلا انجري
سهير
حاضر وبعدها دخلت المطبخ وبعدها الاكل عجب شادي ابن جوزي قال وقال
تسلم ايدك ياطنط الاكل حلو اوي
سهير
الف هنا وشفا ياشادي انا مبسوطة ان الاكل عجبك ياحبيبي
الحما
اوعي تكوني فاكرة ان اكلك المعكعك ده يتاكل لا ده الواد بيجبر بخاطرك بس
سهير
هو في ايه ياحماتي بس ما الولاد مبسوطين اهم من الاكل والولد بيقول عن الحاجة اللي عجبته فيها ايه لما يشكر في الأكل بس
وبعدها دخل وليد وقال
مساء الخير عليكم ازيكم ياولاد عاملين ايه ها يا أمي الولاد تعبوكي ولا حاجة
الام
مين دول ياحبيبي اللي تعبوني دول ولادك دول نسمة ياوليد ربنا يحفظهم يارب حبايب ستهم
وليد
وانتي ياسهير ايه رايك الولاد عملو ايه معاكي
سهير
والله ياوليد ولادك دول مشاء الله عليهم ربنا يحميهم هادين اوي بصراحة يعني تصور ان شادي عجبه اكلي وقال لي تسلم ايدك ياطنط
وليد
طيب كويس والله انهم انبسطوا
الام
ما انا قولت لك ياختي الواد بيجبر بخاطرك هي قصه ولا ايه
وليد
ايه ياماما بس في ايه وبعدين سهير بتطبخ حلو برضو
الام
مفيش حد في الدنيا بيطبخ أحسن من امك ياوليد ولا عشان انا تعبت وبقيت مش بقدر اعمل حاجة هتتبطر على اكلي بقا
وليد
لا طبعا انتي الخير والبركة ياست الكل ربنا مايحرمنا منك يارب
الام
ايوه كده قال أكلها حلو قال دي ياخويا ولا بتعرف تطبخ ولا نيلة على وعلى أيامها
وليد بص لي وغمز لي بعيونة عشان مزعلش وبعد شوية دخلنا اوضتنا وقولت له
شوفت ياوليد عمايل مامتك فيا شوفت بتعاملني ازاى انا تعبت من كلامها بصراحة
وليد
معلش يا سهير امي ست كبيرة واحنا لازم نستحملها وانا عارف انك طيبة ومش بتحطي في دماغك اي حاجه وبتفوتي
سهير
انا بفوت عشان خاطرك انت بس ياوليد انما انا مش برضى ازعل من كلامها اللي بتفضل تقولهولي كل دقيقه