مراتي خنقاني من الاهتمام
انا راجل متجوز
اول فتره من الجواز مــراتي كانت خنقـــــــاني من الاهتمام
اروح الشغل تفضل تبعتلي على الواتساب أكلت عامل اي تعبان انت كويس وتكلمني مرتين تلات وانا في الشغل بتقول بطمن عليك، ارجع البيت تستلمني بقى احكيلي يومك كان عامل ازاي في حاجه ضايقتك وكلام كتير من دا بحس انها بتعاملني زي امي، هي بتحب اننا نتكلم كتير سوا وبتحب الحكاوي وأننا نقعد نحكي طول الوقت
انا معنديش الحته دي زيها ومش عاطفي زيها المهم كنت بستحمل في الأول بس جت مره واحده كنت جي من الشغل وهي استلمتني كالعاده روحت زعقت فيها جامد وقولتلها كفايه بقى انا مش طفل وتعبت منك خنــــــقتــــــيني وماتتصليش عليا تاني وانا بره وانتي زنانه وانا زهقت منك
من بعد الموقف دا ومراتي اتغيرت ١٨٠ درجه لابتسال ولا بتتكلم معايا حياتنا بقت ممله بطريقه فظيعه هي بتعملي الاكل ونأكل وبتعمل شغل البيت وكل حاجه تمام مش مقصره بس مبقاش في نقاش مابينا اسالها عن حاحه ترد على قد السؤال اخد رأيها في حاحه تقولي إلى انت تشوفه بقت ساكته طول الوقت بطلع الكلام منها بالعافيه مفيش في بوقها غير حاضر إلى تشوفه ماشي حتى وقت فراغها قدام التليفزيون على طول مع انها مكنتش بتحب التليفزيون
انا عايزها ترجع زي الاول بس بردو مش عايز الاهتمام إلى يخــنق انصحوني اعمل اي
دعاء الرزق
اللهم يا رازق السائلين، يا راحم المساكين، ويا ذا القوة المتين، ويا خير الناصرين، يا ولي المؤمنين، يا غيّاث المستغيثين، إياك نعبد وإيّاك نستعين، اللهم إني أسألك رزقًا واسعًا طيبًا من رزقك. يا مقيل العثرات، يا قاضي الحاجات، اقض حاجتي، وفرج كربتي، وارزقني من حيث لا أحتسب. اللهم ارزقني رزقًا واسعًا حلالًا طيبًا من غير كدٍّ، واستجب دعائي من غير رد، وأعوذ بك من الفقر والدّين، اللهم يا رازق السائلين، يا راحم المساكين، ويا ذا القوة المتين، ويا خير الناصرين، يا ولي المؤمنين، يا غيّاث المستغيثين، إياك نعبد وإيّاك نستعين. الحمد لله الذي تواضع كل شيء لعظمته، الحمد لله الذي استسلم كل شيء لقدرته، الحمد لله الذي ذلّ كل شيء لعزته، الحمد لله الذي خضع كل شيء لملكه.
اللهم صل وسلم وبارك على نبيّنا المصطفى محمد، وعلى آله وأصحابه أجمعين.
