بنتي رفضت احضر فرحها ـ الجزء الاول ـــ بقلم هويدا زغلول

بنتي رفضت احضر فرحها بسبب حماتها اللي بتقرف من ريحتي
الام 
يعني اي مش هحضر فرحك انا مستنيه 
اليوم ده بفارغ الصبر
ولاء 
انتي مش شايفه نفسك عامله ازاي لاطبعا 
انتي ممكن تكسفيني قدام أهل جوزي 
كفايه ريحتك انا بنتك مش بطيق ريحتك امال الناس التانيه تعمل اي
وقبل ما نبدا الحكايه اعرفكم بنفسي أنا ولاء
عايشه في حاره شعبيه وفي يوم كنت رايحه
ل ماما السوق لأنها بتبيع سمك وقولت ليها
ولاء 
اي يا ماما لحد دلوقتي قاعده مش قولتك 
ان حماتي تعبانه ولازم نروح نشوفها ولا انتي 

عايزه اسامه يزعل مني
الام 
فيه اي با بنتي الحمد لله البيع انهارده حلو اوي 
وانا قولت اخلص الشويه اللي معايا دول
ولاء 
لا يا ماما ارجوكي أنا مش عايزه يزعل 
هو مش بيسبنا في اي حاجه بتحصل 
عندنا مينفعش احنا نسيبه بقي
الام 
خالص خالص يا ولاء قائمه اهو والله ما خساره في حماتك شويه السمك دول
ولاء 
عايزه تدخلي عليها بسمك ازاي يعني 
انا عايزه اخد فاكهه وحلويات
الام 
يا بنتي زياده الخير خيرين مافيش مشكله 
ناخد ده وناخد ده برضه علي العموم 
انا هروح اغير هدومي لحد ما تلمي انتي 
السمك في شنطه
وبعدهت ماما مشيت وغيرت هدومها 
وفي شقه حماتي كانت قاعده مع سلفتي 
مروه
مروه 
الا العروسه الجديده يا ماما مجتش ليه 
لحد دلوقتي هي مش عارفه انك تعبانه ولا اي
الحما 
اسامه بيقول أنها جايه هي وامها 
طلعي فرخه واعملي كل حلو
مروه 
هو انتي بجد ازاي طيبه كده فرخه مره 
واحده انتي ناسيه لما روحنا المره اللي فاتت 
اكلتنا اي بطاطس محمره وبتنجان مقلي
الحما 
يا بت العيب كان علينا احنا روحنا مره واحده 
كده من غير ما نعرفهم وبعدين مش بالأكل
يا مروه كفايه مقابلتهم 
عامله ازاي وان امها ست بمېت راجل 
سرفت علي عيالها بعد ما جوزها طلقها
مروه 
هو فيه اي يا حماتي ده وهي لسه خطيبه 
ابنك بتتكلمي كده امال لما تبقي مراته 
هتعملي فينا اي علي العموم برحتك وبعدها 
روحنا وكانت ساميه اخت اسامه علي السلم
ولاء 
ازيك يا ساميه عامله اي والله فرحانه ان 
انا شوفتك
ساميه 
اهلا ياختي وبعدها طلعنا وقبلنا اسامه وقال
اسامه 
ازيك يا ولاء ازيك يا طنط عامله ايه طب ما اتصلتوش بيا ليه وكنت نزلت اخذتكم
ردت ساميه أخته وقالت
ساميه 
تاخدهم الشارع اللي وراك امال انا اللي جايه من اخر الدنيا عشان اشوف امك ما هانش عليك تقول لي ان انت عايز تيجي تخدني يعني
اسامه 
هو فيه اي انتي عايزه تعملي مشكله والسلام 
ولا اي اهدي شويه وبعدين ادخلي يلا امك 
في اوضه النوم
وفي الاوضه كانت حماتي قاعده ودخلت 
ساميه مكشره
الام 
مالك يا ساميه عامله كده ليه في حد زعلك ولا ايه
ساميه 
ابنك يا اما هو فيه غيرو حد يسيب ايمان 
اخت جوزي علشان يتجوز اللي برا دي 
انا بقرف من أمها بصراحه
الام 
يا بنتي كل شي قسمه ونصيب وبعدين
اخوكي مكنش مرتاح معاها نعمل اي يعني
نخلي يتجوزها ڠصب عنه
ساميه 
لا يا حبيبتي انا اللي هطلق ڠصب عني 
مع أن بحب جوزي اوي وهو مصمم 
ان لو ابنك مش رجع لأخته أنه هيطلقني
الام 
يطلقك ازاي وانتي معاكي عيله
من ذوي الاحتياجات الخاصة ومش هينفع 
انك تسبيها لوحدها
ساميه 
هو انتي فاكره أنه عايز يخلي البت معاها 
بيقولي هاخد السليمه وانتي هتخدي المريضه 
وانتي معاكي بقي تصرفي علينا يا امي 
اصل انتي عارفه ان مش بعرف اشتغل
الام 
منين يا حبيبتي انا جايبه العلاج بتاعتي من الصداليه من غير فلوس والله لحد ما اقبض
المعاش
ساميه 
يبقي مش قدامنا حل الا انك تمشي البت 
اللي برا دي علشان خاطر نعرف نرجع 
اسامه ل ايمان
وبعدها خرجت حماتي وهي مكشره وانا 
قولت اكيد من التعب وقومت سلمت 
عليها وقولت
ولاء 
الف مليون سلامه عليكي يا حبيبتي 
والله اول لما اسامه قالي انك تعبانه قولت 
لازم اجي واشوفك علي طول
الحما 
كتر خيرك يا حبيبتي وجد تسلم