خطيبي اتجوز ـــ كامله ـــ بقلم هويدا زغلول

يا حبيبتي متقعديش لوحدك كده وبعدها خرجت
ساره _ تعالي يا شروق يا حبيبتي اعرفك محمد خطيبي
الام _ خليكوا انتم بقى قاعدين هنا وانا هدخل في الاوضه جوه اقعد مع مامه محمد
محمد _ اهلا وسهلا بيكي يا انسه شروق انتي قريبتهم صح
ساره _ اه اه قريبتنا من بعيد انا هقوم اجيب الشاي والكيكه واجي على طول
شروق _ خليكي انتي بس وانا هروح اجبهم
ساره _ لا لا وبعدها دخلت
محمد _ وانتي بتدرسي ايه بقى يا شروق
شروق _ لا انا خرجت من تالته اعدادي وكنت شغاله في مصنع ملابس جوكر يعني اوفر وسنجر 
واروليه
محمد _ معقول هو انت تعرفي ان انا فاتح ورشه ملابس صغيره وبجد كنت بدور على حد جوكر
شروق _ بس انا بعتذر لك اصل انا مش هقعد هنا كتير يعني ده وقت قليل
محمد _ شهر رمضان قرب وانا كنت محتاج حد بس معايا لحد العيد ايه رايك تنزلي وهعملك مرتب كويس وفي الوقت ده ساره جت 
وقالت
ساره _ تنزل فين يا محمد
محمد _ يا بنتي حرام عليكي مش انتي عارفه ان انا بدور برده على حد جوكر يقعدلي على المكن ما قلتيش ليه ان شروق شغاله الشغل ده
ساره _اصل انا ما سافرتش البلد قبل كده ما كنتش اعرف هو انتي فعلا بتشتغلي كده يا شروق
شروق _اه بس فتره قليله يعني بس انا زي ما قلت لحضرتك انا مش عارفه قاعده هنا وقت قد ايه فمش هقدر انزل انا بعتذر بعد اذنكم 
وبعدها قامت وقفت ودخلت
محمد _ ارجوكي يا ساره حاولي تتكلمي معاها بجد انا محتاجه تكون معايا في الشغل في 
رمضان حتي
ساره _ حاضر والله يا حبيبي ما تشيلش هم الموضوع ده يلا كل كيكه بقى مع الشاي وبعد ما مشيوا دخلت ساره
ساره _ مالك يا شروق هو انتي مش حابه تنزلي تشتغلي مع محمد على فكره محمد شخص محترم جدا
شروق _ لا والله بس انا مش عايزه بس اغلط بلساني قدامه واعملك اي مشاكل انا بجد محتاجه الشغل ومحتاجه ان يكون معايا فلوس
ساره _ لا ما تشيليش هم الموضوع ده محمد اصلا مش فاضي يتكلم معاكي كثير
شروق _ تمام لو كده انا موافقه انزل الشغل معاه من بكره وفعلا نزلت شروق معاه 
الشغل وكانت مبسوطه في الاول 
وفي يوم بعت ليها محمد ودخلت وهو 
كان جايب الفطار علي المكتب وقالها
محمد _ تعالي يا شروق انا ما فطرتش وجايبلك فطار علشان نفطر سوا اخر فطار بقي هنفطره 
بكره رمضان كل سنه وانتي طيبه
شروق _انا اسفه والله يا استاذ محمد بس ورايا شغل كتير ومش هينفع اسيبه
محمد _ بطلي كلمه استاذ محمد ان انتي عماله تقوليها دي وتعالي يلا نفطر سوا ما تبقيش رخمه بقى انتي ليه متحفزه كده في الكلام
شروق _المفروض اقول لحضرتك ايه يعني
محمد _ اقعدي بس ناكل وبعدين نبقي نشوف 
هنقول وبعدها اقعدت اي صحيح هو فين اهلك باباكي ومامتك والناس دي
شروق _ في البلد وانا حابه ان انا اقعد هنا في القاهره وساره صممت ان انا اقعد عندهم
محمد _ احلى حاجه عملتها ساره والله علشان اشوفك يلا كلي كلي وبعدها فضلت تاكل 
وهي مش مرتاحه لنظرات محمد ليها
وفي شقه هاني كنت قاعده ولقيته داخل 
بكرتونه وأنا قومت وقفت وقولت
مديحه _ هو انت اتاخرت بره ليه وايه الكرتونه اللي معاك دي
هاني _ كل سنه وانت طيبه بكره رمضان وانا عديت وجبتلك اسدال للصلاه و جبتلك فانوس وشويه ياميش رمضان
مديحه _ وانت طيب وبالف خير بجد تعرف انا ما حدش عمل معايا كده من زمان قوي
هاني _ انا عايزك تسامحيني يا مديحه على اللي انا قولته ليكي بجد هو انا كنت واخد بنتك علشان شكلها بس كان حلو بس اكتشفت ان انتي احلى منها بكثير كفايه طيبه قلبك
مديحه _ هو انا مش فاهمه كلامك هو انت تقصد ايه بالظبط
هاني _ اقصد ان انا عايزك تبقي مراتي وانا ابقى جوزك وبجد سامحيني على اي حاجه حصلت مني 
تقلبني ان زوج ليكي
مديحه بفرحه _ هو انا مش مصدقه الكلام اللي انت بتقول عليه بس بجد انت كويس برده تستاهل الف خير
هاني _ خلاص