بنتي كامله بقلم هويدا زغلول
انت في الصفحة 1 من 7 صفحات
اكلت بنت جوزها على السلم ودخلت الضيوف جوه
وقبل مانبدا حكايتنا اعرفكم على بطلتنا اسمها هيام عندها 37 سنه بعد جوزها ماراح عاشت عند اخوها الكبير ومرات اخوها قالت لها
ماجده
بقولك ايه ياهيام هو انتي كل مايجي لك عريس ترفضية ليه ياختي ماتروحي تشوفي حالك مع راجل كده ياخد باله منك بدال ما انتي اقعده كده
هيام
انتي بتطرديني من بيت اخويا يا ماجدة والله انتي وليه رخمة بصحيح بقا انا قاعده عندكم هنا بفلوسي وكمان مش عجبك ده انا يا ولية مش بدفع جوزك حاجة في اقعدتي معاكم
ماجده
يوه هو انتي ماصدقتي ياختي واتفتحي فيا مكنتش كلمة قولتها وبعدين انا بقول عشان مصلحتك والله مش عشان انتي قاعده معانا
لا ياختي انتي قصدك اني قاعده معاكم على قلبكم وانا مش عايزة اتجوز ياماجدة عشان انتي عارفه لو انا اتجوزت المعاش هيتقطع وانا بقا معنديش استعداد اخسر المعاش ده
ماجدة
خلاص ياهيام ياساتر يارب منك انتي ايه ماصدقتي ماقولتي خلاص بقا
هيام
ماشي انا بس بعرفك عشان خاطر ماتقعديش تزني في دماغ جوزك انه يشوف لي عريس ماشي
ماجدة
خلاص براحتك ياختي انتي حره والله دي حياتك انتي مش حياتنا احنا
هيام
ايوه بالظبط كده فعلا انا حره في حياتي خليكي في حالك بقا
ورجع جمال اخو هيام وقال لهم
مساء الخير ياجماعة
ردت هيام من غير نفس وقالت لاخوها
مساء النور
جمال.
ايه الرد ده مالك ياهيام في ايه قالبك بوزك ليه كده
عشان مراتك عايزة تمشيني من البيت ياجمال انا بقا بشتكي لك منها
جمال
انتي بتقولي ايه ياهيام معقوله ماجده تعمل كده لا ياشيخة دي حتى ماجدة بتحبك ايه اللي حصل ياماجده
ماجدة
والله ياجمال اختك دي مش بتفهم خالص انا قصدي انها تتجوز وتروح تعيش مع واحد ياخد باله منها بدال ماهي عايشة لوحدها كده انا مقولتش اكتر من كده والله
جمال
طيب وفيها ايه ياهيام لما ماجده تقول لك اتجوزي ده مش معناه انها عايزاكي تمشي من البيت يعني وبعدين بيت اخوكي مفتوح اهو دايما
هيام
بس انا مش عايزة ياجمال وبعدين انا لو اتنيلت واتجوزت هيقطعو المعاش بتاع سمير الله يرحمة وانا كده م هاخد حاجة لا ياخويا بلا جواز بلا هم
جمال
خلاص انتي حرة احنا بس كل عايزين مصلحتك مش اكتر وطالما انتي مش عايزة خلاص
وفي مكان تاني كان قاعد خالد مع اختة وقالت له
هو انت ياحبيبي مش ناوي تدور على واحده تتجوزها وتعيش معاها انت وهدير بنتك البنت محتاجة لام برضو عايزة واحده تاخد بالها منها
خالد
ما انتي عارفه ياسمر اني مش عايز اجيب لبنتي واحدة تبقا مرات اب وتقرف البنت في عشيتها
سمر
وهو كل واحده بتبقا مرات اب ياخالد في ستات كتير والله ولاد ناس ومحترمين وغلابة وعايزين يعيشو
خالد
ااه انت شكلي بقا في واحدة قدامك عايزة تتجوز وقولتي مفيش غير اخويا مش كده برضو ولا ايه
سمر
مش بالظبط كده بس انا ممكن ادور لك على واحده اسالك حد معايا في الشغل وربنا يسهل وتلاقي واحدة كويسه
خالد
ان شاء الله لو لقيتي واحدة كويسة كان بها مفيش يبقا خلاص تشيلي الموضوع ده من دماغك خالص
والله ياجماعه انا مش عارف اعمل ايه في موضوع الجواز ده انتو كل شوية تنزنو عليا اتجوز واختي عايزاني اتجوز هو يعني مفيش واحد أرمل زي حالاتي وعايش لوحدة مع بنته
احمد
بصراحة ياخالد انت جاي على نفسك اوي في موضوع الجواز ده هو انت ليه رافض انك تتجوز وليه فكرت مرات الاب دي مسيطرة عليك اوي كده
خالد
عشان بشوف وبسمع يا احمد انه مفيش واحده بتعوض الام ابدا ولازم مرات الاب دي تبقي شرير في حل الروايات
مجدي
ههههه لا ده الروايات فعلا لحست عقلك ياخالد يابني صوابعك مش زي بعضها خالص انت بس فكر في الموضوع كده وان شاء الله خير ياعم
ورجع خالد البيت وكانت هدير بنتة عند الجيران ولما رجع خبط على جارتهم ام ندى وقال لها
مساء الخير ممكن تنادي على هدير عشان اخدها ونطلع شقتنا
الجارة
من عنيا يا باشمهندس دول والله العيال بيذاكروا من ساعت الصبح ربنا معاهم يارب
خالد
يارب بس يارب برضو متكنش هدير بتعمل ايه شقاوة ولا حاجة
