بنتي كامله بقلم هويدا زغلول

انتي تعرفي واحدة لاخويا يتجوزها بس اسمعي اهم حاجة تكون كويسه وبنت ناس عشان هو اصلا رافض فكرة الجواز دي وانا اللي عماله اتحايل عليه
ماجدة 
لا من ناحية كويسة فهي كويسة جدا دي تبقا اختك جوزي وارملة وصغيرة في السن ومش عندها عيال وحلوه كمان
سمر 
مشاء الله دي فيها كل المميزات اللي انا عايزاها لعروسة اخويا ياماجده طيب خودي رايها وردي عليا
ماجدة خلاص بكرة هرد عليكي 
ورجعت ماجده البيت وقالت بت ياهيام والله يابت انتي امك الله يرحمها داعيه لك
هيام 
خير ياماجدة وامي داعيه لي بايه بقا ان شاء الله
ماجدة 
عريس يابت زي القمر مهندس وعسل بس هو أرمل زيك كده بس عنده بنت صغير وعايز يتجوز واحده عشان تاخد بالها من بنته
هيام 
امممم قولت لي بقا انه مهندس وعايز عروسة
ماجدة 
ايوه هو يبقا اخو زملتي في الشغل وجه النهاردة يزورها وكل المدرسات كانو هيتهبلو عليه من حلاوتة وانا قولتلها اني عندي عروسة
هيام 
طيب وانتي مين قال لك اني هوافق يا ماجدة انتي بتتصرفي من دماغك ولا ايه
ماجدة 
يابنتي بقول لك شاب زي القمر هترفضية ليه بس مش فاهمة وبعدين انتي لما تتجوزية مش هتبقي محتاجة لفلوس المعاش
هيام. 
ليه هو مبسوط اوي كده ياماجده ولا ايه
ماجدة 
الا مبسوط بقولك بيشتغل مهندس ياحبيبتي
هيام 
اممم طيب سبيني افكر وارد عليكي
وبعدها دخلت ماجدة اوضتها مع جمال جوزها وقالت له 
اديني جيبت لها عريس وقالت انها هتفكر ياجمال يكش توافق بقا عليه
جمال 
على الله توافق بس انتي عارفه ان هيام اختي عصبيه ومش بتستحمل العيال وانتي بتقولي عنده بنت وهي بقا مش بطيق الأطفال
ماجدة 
بقولك ايه ياجمال متبوظش كل التخطيط اللي انا بعمله انا عايزاها تمشي من هنا وخلاص وبعدين هي حلوه وهو لما يشوفها هيعجب بيها
جمال 
ربنا يستر بقا ياماجدة عشان هيام دي علطول مش طايقة نفسها
ماجدة 
اسكت انت بس وخليك في حالك وهي هتمشي ان شاء الله
ورجعت سمر البيت واتصلت على اخوها اللي قال لها 
انتي لحقتي ياسمر تجيبي العروسة انتي سريعه أوي يعني كده ليه
سمر 
عشان ياحبيبي زي مابيقولو خير البر عاجلة وانا بصراحة نفسي اشوفك سعيد في حياتك وانت دلوقتي عشان وحداني دايما شايل الهم هو انا يعني مش حاسة بيك وعارفاك
خالد 
مانتي عارفه اني انا بخاف على هدير اكتر حد في الدنيا دي ياسمر وصعبانة عليا من ساعت امها ما سابتها وهي صغيرة وراحت
سمر 
ماخلاص بقا ياحبيبي ما انت هتجيب لها ام تانية اهو وربنا يهديها
خالد 
مفيش بديل للأم ياسمر مهما ان كان على العموم ابقي خودي من الناس دي ميعاد عشان نروح لهم يلا تصبحي على خير
وقفل مع اخته وفضل قاعد حزين وبيفتكر زكرياتة مع مراتة اللي راحت
وبعدها راح خالد وسمر تند بيت ماجدة ودخلوا وقعد خالد وجمال قال له 
يا اهلا وسهلا يا باشمهندس خالد انت نورتنا والله
خالد 
شكرا يا استاذ جمال ده نورك حضرتك طبعا عارف احنا جايين ليه النهارده ياريت تقولي على طلباتكم ايه وانا رقبتي سداده
جمال 
احنا ملناش طلبات يابشمهندس احنا بتشتري راجل طبعا وبعدين اختي هيام ملهاش طلبات خالص
سمر 
بس برضو يا استاذ جمال هي لازم تطلب مش عروسة بقا ولا ايه ههههه
جمال 
لا يامدام سمر احنا كده زي الفل الباشمهندس عنده شقتة وهي هاتروح تعيش معاه فيها انا بس كل اللي طلبة منه انه يحطها في عنيه بس
خالد 
طبعا يا استاذ جمال انا اكيد هاحافظ عليها دي مهما ان كانت بنت ناس ومش هينفع انها تتبهدل
سمر 
اخويا خالد راجل مؤدب ومحترم يا استاذ جمال واسأل عليه بقا وانت تعرف كويس
جمال 
الجواب باين من عنوانه يامدام سمر والله تعالي ياهيام سلمي على الباشمهندس ودخلت هيام وقعدت وبصت لخالد اللي عجبها من اول نظرة وفضلت تبص عليه وقالت له 
اومال فين بنوتك يا باشمهندس مجاتش معاكم ليه كان نفسي اتعرف عليها اوي
خالد 
والله احنا سبناها مع ولاد عمتها انتي بكرة هتعرفيها وتعرفي طبعها انا اهم حاجه عندي هدير دي يا هيام عايزك تخلي بالك منها
هيام 
طبعا دي في عنيا اكيد هي دي عايزة كلام برضو
خالد 
طيب نقرا الفاتحه يا استاذ جمال
وقروا فاتحة هيام على خالد وحددوا ميعاد كتب الكتاب ومرت الايام وخالد اتجوز هيام وراحت معاه البيت ولما دخلت قالت لهدير 
اسمعي بقا ياهدير انتي من هنا ورايح تقولي