حماتي _كامله _بقلم هويدا زغلول

بصوت واطي
لا ليه ما قلتلناش وايه اللي يثبت ان ابني هو اللي كان عيان ما يمكن تكوني انت وانت دلوقتي قاعده بتكذبي قدامي
ام صباح
السبب اللي خلاني او اللي خلاني انا اقول لعبد الرحمن ما يقول لكيش انك كان ممكن في اي خڼاقه او مشكله او كلام تعايريه ايوه انت كنت بتعايري جوزك بعجزه لما اټشل وقعد في البيت وكنت بتعايري عبد الرحمن لما كانت اي حاجه بتحصل قلت له اوعى تقول لامك امك في اي مشكله هتقف وتعايرك وممكن تفضحك كمان قدام الناس
صباح قامت وقفت وبتحاول تدافع عن امها
بقول لك ايه نيفين ما تلفيش وتدوري من الاخر كده امي هتفتح مع جوزك موضوع الخلفه وهتفهمه انك كنت تعبانه من ايام ما كنتش متجوزه اخويا فما تكذبيش وتقولي ان اخويا كان سبب عدم الخلفه
سكتت صباح وكملت كلامها
عارفه وبعدها يا نيفين هتقول له ان هي عايزه تجوزه لي وان هي مش هتلاقي احسن منه لبنتها اللي هو انا وان انا مستعده اعيش هنا خدامه تحت رجليكم وان انا زي اختك وبحبك وقابله انك تكوني مراته وحبيبته وانا يا دوبك هكون ام عياله
نيفين بتضحك
انا ما اعرفش بتجيبوا كلامكم وافكاركم دي منين هو من كتر ما بتتفرجوا على افلام هابطه بتقعدوا تالفوا انتوا كمان
ام صباح
وايه يعني طالما ما بتخلفيش وسنه ولا اثنين ممكن يفكر يتجوز عشان يجيب حته عيل ما صباح اولى على الاقل احنا عارفين بعض وقابلين نعيش كلنا هنا مع بعض
نيفين وهي
ما انا بقول يبقى انت المؤلفه ولا صباح اصل صباح متهيا لي تفوقت على المعلم بتاعها مش انت اللي معلماها كل حاجه ومتربيه على ايديكي الفتوا وخططته وكمان عرفتوا النتيجه ان صباح هتجيب عيال ده ايه التقدم ده والله ما كانش حد غلب
ام صباح
والله انا مستغرباك انت ومستغربه كلامك واحده ما بتخلفش واتجوزت بدل الراجل اثنين وفي الجوازتين ما جابتش عيال يبقى العيب من مين هتقولي لي صدفه من عبد الرحمن وصدفه كمان ان ياسين ما يخلفش لا يا حبيبتي ده كده تبقى مفقوسه لكن انت بقى ضميرك وحش وكرهه لنا الخير يعني قابله ان ممكن يتجوز واحده غريبه وما يتجوزش صباح على الاقل احنا عارفين بعض زي ما قلت لك
وفي اللحظه دي دخل عليهم ياسين اللي كان فتح باب الفيلا بالمفتاح ودخل ودخل عليهم دلوقتي اوضه الليفنج وهو بيضحك
ياسين
ههههه بجد مش عارف بتجيبوا الكلام ده منين مين قال لكم ان انا ممكن اطلق نيفين في يوم من الايام او اتجوز عليها علشان عدم الخلفه
نيفين قامت وقفت على رجليها ثاني وبتبص له عشان ما يكملش كلامه
لا نيفين ما تبصليش كده انا هتكلم ايوه هتكلم
ام صباح وقفت هي كمان هي وصباح
ام صباح
كويس انك جيت احنا مش ناس خبثه والكلام كان واضح وفي ايه يعني لما الست تخطب لبنتها انا ست كبيره وممكن في اي يوم يحصل لي حاجه واموت وصباح يتيمه ملهاش حد في الدنيا ابوها مېت واخوها الوحيد مېت وانا اهو يبقى ايه المشكله لما تحطها تحت ضلك
ياسين
برده يعني اللي انت بتقولي عليه ده حكم لازم انفذه ولا هتقولي لي دي بنت عمك اللي كانت تايهه من زمان ولا تكونش بنت خالتي هههههه
نيفين بتضحك وبتقول له
بتضحك يا ياسين بذمتك الكلام ده يضحك انا مش فاهمه انا حاسه اني واقفه في مسرحيه هابطه هي وبنتها المؤلفين وممثلين في نفس الوقت ليه